الصحفية/ رِهام الباز.
-ممكن تعرف نفسك؟
فاطمة الزهراء محمد انيس ( زهرة البستان )
-ممكن تقولنا بدأت الرسم أمتى؟
من عام 2015
ولكن بدأت اهتم بجد بالرسم من عام 2019
-مين أكتر الشخصيات اللي قابلتك ف مجال الرسم وأثرت فيك كرسام؟
انا مش شخص بيخرج كتير وبيشوف ناس
بس اللي اثر فيا هو الفنان كريم عادل
-هل واجتهك صعوبات ف المجال؟
طبعا واجهت صعوبات كتير جدا
وازاي تخطيتها واتعاملتي معاها؟
بالاراده فضلت مصممة عالشئ اللي بحبه ومؤمنه أن فيوم هقدر اوصل أو اعمل اي حاجه والحمد لله
-بالنسبالك الرسم هواية او موهبة ولا ممكن اي شخص يرسم عادي؟ الرسم بالنسبه ليا انا موهبه
انما عادي جدا أن اي حد يتعلم الرسم
الرسم لا يتطلب منك غير شوية حب واهتمام وصبر وما بعد ذلك سهل جدا
-من رايك الرسام المثالي او الناجح بيتصف ب اي؟
بالصبر والهدوء
-مين مثلك الأعلي؟
مثلي الاعلي هو الفنان كريم عادل
وباذن الله فيوم من الايام هكون زايوا
-مين وقف جمبك وشجعك ف اول خطوة ليكي ف المجال؟ امي
-كلمنا عن انجازاتك؟
هيا مش انجازات بس أنا فخورة جدا بنفسي فخورة اني وصلت للمستوي اللي انا فيه وباذن الله هوصل لاكتر من كده
-كلمنا عن خططك المستقبلية ف مجال الرسم؟
حابه اطور من رسمي اكتر بالفحم والرصاص
وارسم الوان واخلي رسمي بالالوان مبهج يخطف الانظار باذن الله
-هل عندك مواهب تانية؟
الانشاد وقراءة القرآن والقاء الشعر
-وجه كلمة للرسامين؟
اسعوا وصمموا علي حلمكم محدش بيتولد بيرسم ولا حد بيتولد ناجح كلنا بنقع ونقوم ونعافر عشان نوصل
خليك عارف ومتأكد انك فاول الطريق مش لازم تمشي خالص خدها من تحت اوي وبعد كده اتعلم الزاي تمشي صح
الدنيا مش بتجري وراك حب الشئ اللي بتعمله عشان تبدع فيه
-كلمة أخيرة نختم بيها الحوار الصحفي؟
انا حابه اشكر كل حد وقف معايا وقالي كلمه تشجعني
وحابه اشكر اهلي ووجودهم في حياتي ربنا يديمها نعمه يارب
حابه اشكر صحابي جدااا
وشكرا للوقت اللطيف اللي اخدته من وقتك، شكرًا.
سعدت جدًا بالحوار مع حضرتك شكرًا جزيلًا.
0 تعليقات