*ممكن تعرفي نفسك في بضعة سطور؟
_انا اسمي بسنت مسعود الخراشي عندي ١٧ سنه من محافظه البحيره.
*ممكن تقوليلنا بدأتي الرسم امتى؟
_بدات الرسم ف٢ اعدادي.
*مين أكتر الشخصيات اللي قابلتك ف مجال الرسم واثرت فيك كرسامه؟
_هيا م شخصيات حلوه بالعكس الشخصيات الي كانت بتقول ان رسمي وحش او ممكن مبقاش فنانه هيا الي غيرت وخلتني اكون عاوزه انجح اكتر
لا موجهتنيش.
*هل واجهتك صعوبات ف المجال؟ وازاي تخطيها، واتعاملتي معاها؟
_ موجهتنيش صعوبات خالص الحمد لله.
*بالنسبالك الرسم هواية ولا موهبة ولا ممكن أي شخص يرسم عادي؟
_هيا موهبه عندي بس اكيد عندي احلام جمبها كتير وممكن اي حد يقدر يرسم بالممارسه وكدا.
*من رأيك الرسام المثالي أو الناجح بيتصف ب أي؟
_انو بيكون راقي وهادي لان مفيش حد بيكون زوقه م كويس فحاجه ويعرف يرسم.
*مين مثلك الأعلى؟
_مثلي الاعلي المستر بتاعي جابر المسماري.
*مين وقف جمبك وشجعك ف أول خطوة ليكِ ف المجال؟
_الي وقف جمبي وشجعتني جدا كانت مامتي.
*كلمينا عن انجازاتك؟
_انا اشتركت فكذا معرض قبل كد وباذن الله مشاركه فمعرض دولي قريب.
*كلمينا عن خططك المستقبلية ف مجال الرسم؟
_هو انا بحب نوع الفاشون فالرسم وناجحه فيه جدا ف ان شاء الله ربنا يوفقني فيه بجانب دراستي.
*وجهي كلمة للرسامين؟
_كلمتي للرسامين ان محدش يسمع كلام حد ثق فنفسك وفرسمك وانت هتنجح مهما كان الكلام.
*كلمة أخيرة نختم بيها الحوار الصحفي؟
_بشكر مامتي وبابا واخويا واي حد كان سبب للي انا فيه دلوقتي.
سعدت جدًا بالحوار معاكِ، وكان معكِ الصحفية أشرقت سعيد.
0 تعليقات