حوار صحفي مع الكاتب عادل عبدالدايم

 السلام عليكم أنا الصحفية/ رِهام الباز.

 ممكن الموافقة أني أعمل حوار صحفي معاك؟ 

-ممكن تعرفي نفسك في بضعة سطور؟ انا اسمي عادل عبد الدايم محمد عندي ٢٣ سنه... انا شخص مجبر على اشياء كتيرة في حياتي و يومي و بحب اهرب من الواقع بالخيال عن طريق الكتابة الحاجة الوحيدة اللي باختياري 

-ممكن تقولنا بدأت كتابة أمتى؟ انا بدأت كتابة من سنة ٢٠١٣ من أولي إعدادي 

-مين أكتر الشخصيات اللي قابلتك ف مجال الكتابة وأثرت فيك ككاتب؟ احمد خالد توفيق و توفيق الحكيم و مؤلف سلسلة شارلوك هولمز و غيرهم 

-هل واجتهك صعوبات ف المجال؟ وازاي تخطيتها واتعاملت معاها؟ من الصعوبات كانت ازاي تكتب قصة متماسكة و بدون إطالة أو ملل و تخطي عقبة زي دي كانت عن طريق تجربة عدة سيناريوهات لاحداث مختلفة و اختيار الأنسب 

-بالنسبالك الكتابة هواية او موهبة ولا ممكن اي شخص يكتب عادي؟ لا طبعا موهبة مش اي حد يكتب كلنا بنعيش القصة لكن مش كلنا نعرف نكتبها 

-من رايك الكاتب المثالي او الناجح بيتصف ب اي؟ الكاتب الناجح هو اللي يتسم ببساطة التعبير و سهولة توصيل الرسالة للقارئ 

-مين مثلك الأعلي؟ في الكتابة احمد خالد توفيق 

-مين وقف جمبك وشجعك ف اول خطوة ليكي ف المجال؟ حتي الآن انا بس 

-كلمنا عن انجازاتك؟ انجازي في مجال الكتابة هو تطوير نفسي و اسلوبي في سرد الأحداث و تماسك القصة 

-كلمنا عن خططك المستقبلية ف مجال الكتابة؟ المرحلة الجاية كتابة السيناريوهات 

-هل عندك مواهب تانية؟ التمثيل 

-وجه كلمه للكُتاب والجريدة؟ احب أنهم يهتموا بمشاكل الشباب النفسية اكتر و طرق حلها نظرا لارتفاع نسبة الانتحار في الأجيال الجديدة 

-كلمة أخيرة نختم بيها الحوار الصحفي؟ اختم بأن من الأفضل أن نهتم بالفن بالمعني اللي يليق بيه و شكرا 

سعدت جدًا بالحوار مع حضرتك شكرًا جزيلًا.