السلام عليكم أنا الصحفية/ رِهام الباز.
ممكن الموافقة أني أعمل حوار صحفي معاكي؟
الإجابة : طبعا اتفضلي
-ممكن تعرفي نفسك في بضعة سطور؟
الإجابة: اسمي يمنى محمد الجبالي
٢١ سنه
رابعه كلية الدراسات الإسلامية والعربية بكفر الشيخ
-ممكن تقولنا بدأت كتابة أمتى؟
-الإجابة : بدأت من اول سنة ٢٠٢٠
-مين أكتر الشخصيات اللي قابلتك ف مجال الكتابة وأثرت فيكي ككاتبه؟
-الإجابة : جهاد العزب
-هل واجتهك صعوبات ف المجال؟ وازاي تخطيتها واتعاملتي معاها؟
-الإجابة : ايوه اكيد لازم يواجهنا كلنا صعوبات
تخطيتها ازاي انا شخصيتي متسرعه وبيجيلي احباط بسرعه بس بحاول دلوقتي أتغلب على ده
-بالنسبالك الكتابة هواية او موهبة ولا ممكن اي شخص يكتب عادي؟
-الإجابة : الاتنين هواية وموهبه لا مش اي حد بيعرف يعبر بالكتابة
-من رايك الكاتب المثالي او الناجح بيتصف ب اي؟
-الإجابة : الكاتب المثالي لازم يتصف بكتباته بالسلاسه والسهوله وف نفس الوقت بالغموض بحيث أنه يعرف يوصل اللي هو عايزه للقارئ وف نفس الوقت يبقى فيه تشويق أنه بكل القصه الرواية الخاطرة النص أو اي لون من ألوان الكتابة
-مين مثلك الأعلي؟
-والدتي
-مين وقف جمبك وشجعك ف اول خطوة ليكي ف المجال؟
-واحده صاحبتي كاتبة برضو اسمها جهاد العزب ووالدتي وصحابي القريبين طبعا
-كلمنا عن انجازاتك؟
-اشتركت في كتابين مجمعين نزلو معرض الكتاب ٢٠٢١ كتبت قصص قصيرة وخواطر ونصوص وفيه روايه بس لسه منزلتهاش
-كلمنا عن خططك المستقبلية ف مجال الكتابة؟
-بقالي فترة مكتبتش حاجه جديدة فبحاول ابدأ اعمل حاجه جديده واطور من نفسي ف المجال ده لاني بحبه جدا
-هل عندك مواهب تانية؟
-لا
-وجه كلمه للكُتاب والجريدة؟
-مافيش كاتب كتابته وحشه بس فيه كاتب بيسعى دايما إنه يوصل للأحسن ويطور من نفسه فدايما طوروا نفسكو وثقو ف موهبتكو وهتوصلو
-للجريده : شكرا جدا ع الحوار الجميل ده وان شاء الله مش اخر مره
-كلمة أخيرة نختم بيها الحوار الصحفي؟
-انتو جريدة جميله وبتدعم كل المواهب اتمنى ليكو النجاح والتوفيق دايما
سعدت جدًا بالحوار مع حضرتك شكرًا جزيلًا.
0 تعليقات