أنا الصحفية أشرقت سعيد.
-ممكن تعرف نفسك في بضعة سطور؟
اروي فرعون - 16 سنه - ف الصف الثاني الثانوي - من محافظه الدقهليه
-ممكن تقولنا بدأتِ الرسم أمتى؟
بدات الرسم ف فتره كنت فاقده الشغف فيها عن التصوير وشوفت نوع الديجيتال دا كتير وحبيت اجربه لان انا من النوع اللي بحب التجارب
-مين أكتر الشخصيات اللي قابلتك ف مجال الرسم وأثرت فيكِ كرسامه؟
مفيش شخص معين بس الشخصيات اللي كانت بتنشر طاقه ايجابيه او بتنصح او تشرح ف مجال الرسم كانت بتاثر بيا يطريقه ايجابيه.
-هل واجتهك صعوبات ف المجال؟ وازاي تخطيتها واتعاملتي معاها؟
واجهني مشاكل كتير زي الكلام السلبي وان بيجي وقت ميكونش فيه اي دعم او مشاكل ف الابلكيشن نفسه بس كنت بقدر احل المشاكل دي بالصبر وان انا اتعامل مع الكلام السلبي انه نصيحه معظم الوقت.
-بالنسبالك الرسم هواية لا موهبة ولا ممكن اي شخص يرسم عادي؟
بالنسبالي الرسم ميكس بين الهوايه والموهبه لان انا كنت قبل الرسم الديجيتال برسم ورقي ف دا سهل معايا الموضوع شويه وممكن اي شخص عادي يرسم بالتدريب والصبر والتغذيه البصريه لو حابب المجال دا.
-من رايك الرسام المثالي او الناجح بيتصف ب اي؟
الرسام المثالي من رايي لازم يتصف بالتواضع وانه يساعد وينصح غيره.
-مين مثلك الأعلي؟
لو مثلي الاعلي ف الرسم ف هيكون انا.
-مين وقف جمبك وشجعك ف اول خطوة ليكي ف المجال؟
كان واقف معايا اهلي وصحابي والناس اللي عرفتها من الاكونت وحاليا اللي بيشجعوني اتنين بظبط وبشكرهم علي وجودهم بجد واهلي برضو يرجع ليهم الفضل الحقيقه.
-كلمينا عن انجازاتك؟
عملت كذا مقال ف المجال دا ، ناس مشهوره بتشوف رسمي ، قدرت اتخطي فقدان الشغف واطور من نفسي ومستوايا يبقي اعلي وناس كتير تبقي عرفاني.
-كلمينا عن خططك المستقبلية ف مجال الرسم؟
بخطط ان اخلي مستوايا اعلي وارسم كتير واجرب انواع كتير.
-هل عندك مواهب تانية؟
اه برسم ورقي وبصور.
-وجهي كلمة للرسامين؟
متستناش تشجيع من حد واتاكد ان الريتش وعدد الفولولرز مش هيحدد رسمك حلو او لا وخليك دايما فخور بنفسك وشجع نفسك وادعم نفسك دايما وخليك صبور .
-كلمة أخيرة نختم بيها الحوار.
هتبقي شكر لكل اللي جمبي وبيشجعوني ف المجال دا و اشكر المنصه انها بتشجع اصحاب المحتوي.
0 تعليقات