حوار: عبدالرحمن ناصر
اسراء يحيى منصور فتاة ال 21 سنه طالبة بالفرقة الأولى كلية خدمة اجتماعية
-ممكن تحكلنا بدأتي الرسم امتي وازاي؟
=اسراء بدأت الرسم في المرحلة الابتدائيه في الحادية عشر سنه تقريبا، كنت بقوم بالإشترك في انشطه الرسم و في المرحلة الإعدادية في الرابعة عشر تقريبا، كنت بقوم برسم كاريكاتير و اشتركت في معرض للكاريكاتير ومن وقتها هذا لم امارس شئ إلا الرسم.
-هل واجهتك صعوبات؟
=ممكن مقولش إنها صعوبات بالعكس مثلاً إن في ناس كانت بتتريق او مش فاهمة مكنتش بزعل بالعكس كلامهم كان بيحسسني ان رسماتي مميزه و إنها فيها شرح.
-بالنسبالك الرسم هواية ام موهبة ولا ممكن اي شخص يرسم عادي؟
=الرسم موهبه، مش اي حد يعرف يرسم بس اللي عاوز سهل جدا انو يتعلم مش صعب.
-رأيك الرسام المثالي الناجح بيتصف ب اي؟
=بيتصف بالخيال الواسع عشان يقدر يبتكر و يبقى مميز و ناجح.
-مين مثلك الأعلى في مجال الرسم؟
=والله مش غرور بس انا مثلي الأعلى في مجال الرسم هو انا.
-كلمينا عن انجازاتك؟
=انجازاتي اني بطور في الرسم كل شويه و إن بقيت معروفه في مجالي الحمد لله.
-كلمينا عن خططك المستقبلية في مجال الرسم؟
=خططي إن شاء الله اطور في الرسم اكتر و اكتر و إن شاء الله افتح مرسم.
هل عندك مواهب اخري؟
=لم اعلم هي موهبه ام لا بس انا بحب الموضه والبلوجر و شايفه نفسي كويسه في المجال ده ايضا.
0 تعليقات