الصحفية/ رِهام الباز.
-ممكن تعرف نفسك؟
فادي رضا ٢٤ سنة من الجيزة بدرس نظم ومعلومات.
-ممكن تقولنا بدأت في مجال الكتابة أمتى؟
من بداية كتابة مواضيع التعابير في ابتدائي تقريبًا.
-مين أكتر الشخصيات اللي قابلتك في مجال الكتابة وأثر فيك؟
للأسف مقابلتش حد غير بعض الأصدقاء وكانو دايمًا بيفيدوني بخبرتهم.
-هل واجتهك صعوبات؟
وازاي تخطيتها واتعاملت معاها؟
أي شيء في العالم بيكوت فيه صعوبات وانك تتخطاها شيء مش سهل ولكن الحمدلله انا قدرت في النهاية عن طريق رفضي لمبدأ اليأس .
-بنسبالك الكتابة هواية أو موهبة ولا ممكن إي شخص يكتب عادي؟
هي موهبة وصعب ان حد يكون موهوب لكن مش مستحيل، عن طريق التدريب الكتير في الموضوع ولكن في الأساس هي الموهبة.
_ إيه نوع من أنواع الكتابة المفضلة ليك؟
الكتابة الواقعية والفانتازيا وهما من أصعب أنواع الكتابات
-من رايك أهم الصفات في الكاتب هي إيه؟
لازم يكون على قدر كافي من الثقافة والمعرفة علشان يقدر ينقلها لغيرو في قالب أدبي زي الرواية أو الكتاب.
-مين مثلك الأعلي؟
إرنست همنغواي.
-مين وقف جمبك وشجعك في أول خطوة ليك؟
يمكن بعض الأصدقاء والجيران اللي قليلين جداً.
-كلمنا عن انجازاتك؟
الحمدلله كتبت رواية هروب مستمر ورواية بقاء مستمر ورواية هجوم البيدق ومؤسس كيان متجدد واني اقدر أساعد أكبر قدر من الناس ده انجاز حقيقي افتخر بيه.
-كلمنا عن خططك المستقبلية؟
بخطط افتح دار نشر والخطوة دي قريبة جدا ان شاء الله، وبخطط اكتب عمل قوي اقدم بيه في جايزة البوكر
-هل عندك مواهب تانية؟
عندي الشعر والسباحة ولكني مش بفضل كتابة الشعر.
-وجه كلمه للجريدة؟
شكراً ليكم على جهدكم ودعمكم.
-كلمة أخيرة نختم بيها الحوار الصحفي؟
بلاش تحط لنفسك حدودو مهما كانت ظروفك مش أحسن حاجة وصدقني انت تقدر وجدًا كمان.
سعدت جدًا بالحوار مع حضرتك شكرًا جزيلًا.
0 تعليقات