حوار مع الرسام يوسف جوني

 حوار شهد أحمد.

اسمك وسنك ؟

يوسف چوني سني 17 

بدات مشوار الرسم ازاي ؟

بدأتو وانا عندي 9 سنين كنت بتفرج على رسومات اللى بتبقي على الحيطان ف الشوارع أو الرسومات اللى بتبقي على غلاف الكشاكيل أو الكتب كنت بقعد اركز كده فيهم واقول طب منا ممكن اعمل دي زيها واجرب وأشوف كنت ببص للرسومات ومكنش بيبقي عندي رهبه أو خوف كنت شايف الرسومات دي مجرد دواير ومربعات بس بطرق مختلفه بس لما تترسم تدي شكل حلو ابتديت مرة ف التانيه ف التالته وبقيت اجيب صور من كتاب التاريخ بتاعي وانا صغير كنت بجيب صور لشخصيات كبيرة جدا وده دليل اني مكنتش خايف خالص بالعكس أنا كان عندي جرأه حلوه يمكن هيا دي اللى خلتني اكمل كنت بجيب كتاب التاريخ واطلع الشخصيات الاكثر شهره أو الاكثر زعامه مثلا زي طلعت حرب محمد علي. عمر مكرم نابليون بونابرت وغيرها كتير بدأت عيلتي تاخد بالها من الموضوع وكان في تحفيز وتشجيع حلو جدا وده اللى دفعني اني اكمل اللى هو انا حاسس اني لو كملت هكون حاجه كبيرة وفعلا كان ظني فيا صح

نفسك توصل لي اي في الرسم بعد كده؟

نفسي اوصل للعالم كلو نفسي لوحاتي تتعرف ف العالم كلوا الحمدلله اللهم لك الحمد معروف ف محافظتي ومعروف ف مكاني ومعروف كويس جدا الحمدلله بس ده مش أعلى ليڤل بالنسبالي اللى بسعي ليه وهفضل اسعي ليه أن لوحات يوسف چوني ميكونش بيتكلم عليها أو يعرفها 10 أو 15 الف واحد لا انا اللى بسعي اللى أنها توصل للعالم كلوا والصغير قبل الكبير 

اي الصعبات اللي وجهتك ؟

الصعوبات اللى واجهتني أن في بعض الناس كانت بتشوف رسوماتي وانا لسه ف بدايتي في ناس كانت بتضحك في ناس مكنتش بتهتم كنت سعات بزعل بس كنت مقتنع بفكرة اني هوصل وهثبت لكل واحد كان فاكرني قليل اني حاجه كبيرة وفي ساعات كتيرة مكنش بيشغلني كلام حد لأن سعات اللى كان بيتكلم ده كان بيبقي لا يفقه شئ عن الفن ف انا اكيد مش ههتم لكلام شخص مش فاهم اصلا ف ده كان بيبقي بالنسبالي شخصيه تحتتت اوي يعني 

كلمني عن انجازاتك؟

الحمد لله شاركت ف معارض كتير جدا وشاركت ف ورش كتير  

ومعايا شهادات من وزير الثقافة ورئيس إقليم شمال الصعيد الثقافي وكمان شاركت برسومات ف مسرحيات بجانب اني ممثل مسرحي وبجانب اني بشتغل ميكاب ارتيست اسبشيال ايفيكت والحمد لله متميز فيه جدا والناس عاجبها شغلي اوي اوي 

تنصح الشباب بي اي ؟

انصحهم بأنهم يكملوا اي حاجه بيعملوها ومينتبهوش لكلام الناس مهما كان محدش يعرف قيمتك غيرك محدش يعرف قدراتك غيرك ثق ف نفسك كل العالم تحت ايدك

رأيك في تعامل الجريدة؟

معامله كويسه جدا بجد اتعاملت مع شخصيه محترمه جدا وجميله جدا بجد واكتر حاجه مهمه أنها شخصيه ذوق لابعد الحدود بجد ربنا يوفقها 

هترشح جريدتنا لصحابك؟

طبعا جريدة متميزة جدا جدا وشخصيتها محترمه اوي