حوار: شهد احمد .
رانيا حسام ،22 سنه .
بدات مشوار التصوير ازاي ؟
اول ما دخلت الكليه وجبت فون جديد ف كنت بحب اصور اي حاجه قدامي وبعدين حبيت فكره اني بصور وعايزه اصور صح واتعلم فبدأت ابحث في اليوتيوب واتعلم ودخلت جروبات خاصه بالتصوير زي فونوجرافي وحقيقي اتعلمت منهم كتير اوي .
نفسك توصل لي اي في التصوير بعد كده؟
نفسي مستوايا يتطور وتصويري يبقا احسن .
اي الصعبات اللي وجهتك ؟
اوقات كتير كنت بحس اني تايهه ومش شبه اللي حواليا وهما تصويرهم افضل واحسن كتير ف كنت بخاف انزل صوري زيهم وكتير اوي نزلت تصويري في جروبات واترفض لان مكنش افضل حاجه بس انا وقتها كنت مقتنعه انه كويس ليه يترفض بس الحمدلله لما بدأت اتعلم فهمت اي اللي كنت بعمله غلط وبدأت اخد بنصائح الفوتوجرافر اللي حواليا ومع الوقت بدأت اكون احسن.
كلمني عن انجازاتك؟
كسبت في مسابقه oppo الخاصه بالتصوير الفوتوغرافي
- شاركه في مسابقه ومعرض عدسه الفن الاسلامي - شاركت في معرض الفنون والثقافه بالمملكه المغربيه - شاركت
في الجمعيه الوطنيه السياحيه كنوز الجزائر - نُشر مقالين عن تصويري في جريده الجمهوريه - اشتريت الكاميرا اللي كنت بحلم بيها من سنه وده افضل إنجاز بالنسبالي الحمدلله.
تنصح الشباب بي اي؟
خليك دايما واثق في حلمك وفي نفسك وإن اكيد في يوم هتوصل للي بتحلم بيه.
رأيك في تعامل الجريدة؟
تعامل راقي وجميل.
هترشح جريدتنا لصحابك؟
أكيد.
0 تعليقات