عرفينا بنفسك
انا الاء البنا
عندي 22 سنه
من طوخ محافظة القليوبية
احكيلنا عنك يا الاء بيقولو انك متعددة المواهب؟
انا بمثل وبغني وبنشد وعملت كذا حاجه سواء اغاني او مسرحيات عملت اغاني (كشف اسامي _بناقص ناس ماتسواش_قليت بقيمتي وقريب اووي في حاجه لفلسطين)
مسرحيات (يا صبر ايوب تحت اخراج أ/اشرف عبد الجواد _احلام وكراكيب وشهبور والناس طابور تحت اخراج أ/ايهاب نعمان -حاليا بعمل حصاد النار تحت اخراج الاستاذ المحترم أ/محمود فايد_غلطة بموتة للدكتورة أودي علاء)
طب واكتشفتي انك بتغني امتي؟
اكتشفت اني بغني وانا في المدرسه والتمثيل كانت صدفه في اول مسرحية ليا استاذ اشرف اللي اكتشفني
وكل ده مكنتش هعرف اعمله لولا وقفت ماما معايا والحمدلله انا وصلت لحاجات كتير اووي بسببها بجد بعد ربنا وانشاء الله الجاي احسن
اي رأيك في الدكتورة اودي وتعاملها معاكم طول مدة المسابقة لحد الحفلة؟
الدكتورة أودي علاء عسل بجد وطريقتها كأنها واحده مننا مش رئيسة علينا أو صاحبه الأكاديمية لاء بتتعامل بصفو نيه وبتهزر دايما وبرضو بتشد علينا أوقات عشان نطلع أحسن ماعندنا بس بجد طيبه جدا وعسل جدا
اي رأيك في مكان الحفله والجمهور وتفاعلهم؟
المكان كان جميل جدا وفي كذا حاجة ترفيهيه جوا وكان في مكتبه وقاعة فوق للحوارات الصحفية حتى المسرح والناس كلها من اول الأمن اللي على الباب لحد فريق التنظيم والجمهور مشاء الله ناس محترمه جدا ومتفاعله ومكنش في حد مطنش أو مش قاعد مبسوط والكل كان حارج من الحفلة فرحان بكل حاجة فيها
تحبي تشكري مين؟
احب اشكر ماما اوووي هي اللي بتدعمني في كل حاجه ووقفه جمبي دايما
اللي عرفينو عن الدكتورة أنها بتعمل مسابقة كل سنة مرة طب هل لو الحفله اتعملت تاني في 2024 هتقدمي ولا هتكتفي بالمرة دي ؟
أكيد هقدم لأني مش هفوت ولا فرصه زي دي ابدا
ومش هفوت لحظة اني متحضرش حفلات للدكتورة والتعامل مع الدكتورة اودي تاني
1 تعليقات
بصراحة الاء دي مكنة موت احلي بتاعت حوارات في طوخ وبلتان
ردحذف